Maratón Fotográfico

BASES PARA O MARATÓN FOTOGRÁFICO DO CARBALLIÑO

Organizado pola Asociación Fotográfica O Potiños en colaboración co Concello do Carballiño e o Centro Comercial Aberto.

INSCRICIÓN
Poderán participar todas aquelas persoas maiores de 14 anos que formalicen a sua inscrición o día do maratón no local da A.F. O Potiños, sito na Rúa Rosalía de Castro nº1, entre as 12:00h e as 13:00h do sábado 18 de Maio. Tamén se poderá facer unha preinscrición online cubrindo o formulario disposto na páxina web: potinos.com Esta inscrición deberá formalizarse co pago da cota no horario anteriormente mencionado o día do maratón. Os/as participantes deberán abonar a cantidade de 5 euros en concepto de inscrición.

PREMIOS
Concederanse tres premios as series (1 serie serán 4 fotografías)
1ºpremio —- 500 € en efectivo que pagará o Concello do Carballiño.
2ºpremio —- 300 € en vales de compra que dará o CCA.
3ºpremio —- 100 € en vales de compra que dará o CCA.
Ós premios aplicaráselles a retención fiscal vixente.
O Xurado poderá establecer algún outro premio especial se así o estimase pertinente.
A idea é que as fotografías premiadas sexan incluídas no programa das Festa do Setembro .

TEMAS E CONTROIS
Os/as participantes deberán fotografiar catro temas que serán facilitados pola organización o día do maratón, no momento da inscrición e poderán elixir un deles ou varios.
As fotografías poderán ser tomadas tanto no exterior como no interior. Igualmente poderase facer uso do material técnico de calquer tipo, así como o retoque fotográfico. As fotografías presentadas deberán ter coherencia coas temáticas propostas, e ser realizadas na data do maratón.

ENTREGA DE FOTOS
Deberán entregar as fotos na sede de O Potiños, entre as 13:00h e as 14:00h do domingo 19 de Maio.
Deberán de entregar un CD ou Pen, no que incluirán as catro fotografias que representen o tema escollido.

Poderánse presentar opcions en tódolos temas.

Se algún participante non puidese facer a gravación en CD, a organización disporá dun ordenador con lector de tarxetas para realizar a descarga das fotografías no control de entregas. Non entanto, pregamos a tódolos participantes que entreguen as súas fotos en CD para facer mais sinxelo o proceso.
Os/as participantes deberán de entregar as suas fotografías en formato de arquivo JPEG, modo de cor RGB e a unha resolución suficiente para amplialas a 20x30cm como mínimo.
Cada participante deberá entregar xunto co CD un sobre baixo o mesmo lema, para que a identidade do participante sexa secreta.
No interior do sobre debe vir a identificación do participante: Título ou títulos das series (preferentemente en galego), nome e apelidos, dirección, teléfono e correo electrónico.

CRITERIOS DE AVALIACIÓN
O Xurado pode avaliar as fotografías presentadas nas seguintes
consideracións:
.Coherencia coa temática proposta.
.Coherencia da serie fotográfica.
.Orixinalidade das fotográfias.
.Calidade técnica: nitidez, contraste, cor.
.Calidade artística: definición, tema, cadro.
MÉTODOS DE VOTACIÓN
Os traballos gañadores serán seleccionados de maneira anónima, atendendo a o indicado no apartado “criterios de avaliación” nestas
bases.

EXPOSICIÓN
Os premios entregaranse na inauguración da Exposición dos traballos o dia 25 de Maio no Multifuncional Manuel María do Carballiño as 19:00h.
O veredicto do xurado terá lugar o día da inauguración desta exposición é será inapelable.

XURADO
Estará composto polos seguintes membros:
Presidente —- O Concelleiro da Area de Cultura do Concello do Carballiño, ou persoa en quen delegue.
Vocais ———- Un mínimo de catro persoas, das cales unha será do CCA e as outras tres persoas serán relacionadas co mundo da fotografía, imaxen ou artes.
Secretario —– Un membro da A.F. O Potiños con voz e sen voto.

FORMULARIO DE INSCRICIÓN:

Comenta

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.

Uso de cookies

Nos obligan a molestarte con la obviedad de que este sitio usa cookies. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
A %d blogueros les gusta esto: