I CONCURSO DE FOTOGRAFÍA CONCELLO DE BOBORÁS
O Concello de Boborás organiza xunto coa colaboración da Asociación Fotográfica “O Potiños” e a Deputación de Ourense, un concurso fotográfico baixo o título “Boborás, arte e natureza”, sendo esta a primeira edición. Cuns premios de 400, 250 e 100 euros para os tres gañadores, trátase dunha actividade máis para dar a coñecer o noso concello, de grande interese tanto natural como patrimonial, aos participantes do concurso como para quen posteriormente desfruten das fotos finais nas exposicións que despois da finalización do mesmo se poñan en marcha ademais da súa publicación en diversos traballos de difusión cultural e turística nas que traballa o Concello de Boborás. O prazo límite para a presentación das fotos será o 31 de maio de 2016.
